తెలంగాణ ప్రభుత్వం జనవరి నుండి తెల్ల రేషన్ కార్డు దారులకు సన్న బియ్యం అందజేయాలని నిర్ణయం తీసుకుంది. ఎన్నికల హామీని నెరవేర్చేందుకు ఈ ప్రకటన చేయడం జరిగింది. ఇప్పటికే హాస్టల్స్, స్కూళ్లు, అంగన్వాడీ కేంద్రాలకు సన్న బియ్యం పంపిణీ చేపట్టిన సర్కార్, ఇప్పుడు రేషన్ కార్డు దారుల కోసం ఈ కార్యక్రమాన్ని విస్తరిస్తోంది.
అవసరమైన సన్న బియ్యం నిల్వలు
ఈ కొత్త ప్రాజెక్ట్‌ను అమలు చేసేందుకు 25 లక్షల టన్నుల సన్న బియ్యం అవసరమని ప్రభుత్వం అంచనా వేసింది. భవిష్యత్తులో మరింత డిమాండ్ ఏర్పడే అవకాశం ఉన్నందున, తెలంగాణలో సన్న బియ్యం సాగును ప్రోత్సహించడానికి సర్కార్ కీలక చర్యలు చేపట్టింది.
సన్న బియ్యం రైతులకు బోనస్
సన్న బియ్యం సాగు చేసే రైతులకు క్వింటాల్ కు రూ. 500 బోనస్ ప్రకటించడం జరిగింది. ఈ ప్రోత్సాహంతో రైతులు సన్న బియ్యం వైపు ఎక్కువగా మొగ్గుచూపుతున్నారు. ఈ ఏడాది 36.8 లక్షల ఎకరాల్లో సన్న బియ్యం సాగు జరిగే అవకాశం ఉందని అంచనా.
రైతుల నుంచి కొనుగోలు, పంపిణీ
ప్రభుత్వం ఈ పంట దిగుబడిని కొనుగోలు చేసి, రేషన్ షాపుల ద్వారా బియ్యంగా మార్చి పంపిణీ చేయాలని నిర్ణయించింది. దీని ఫలితంగా రాష్ట్రానికి ఆర్థిక ప్రోత్సాహం కూడా లభిస్తుందని అధికారులు అభిప్రాయపడుతున్నారు.
రేషన్ కార్డు దారులు మాత్రమే కాకుండా, రైతులకూ మేలు చేసేందుకు ఈ చర్య తీసుకున్నట్టు సర్కార్ పేర్కొంది. గతంలో ఇతర రాష్ట్రాల నుంచి సన్న బియ్యం దిగుమతి చేసుకున్న పరిస్థితులు తొలగించబడతాయని ప్రభుత్వం స్పష్టం చేసింది.
మీ అభిప్రాయం చెప్పండి!
తెలంగాణ సర్కార్ తాజా నిర్ణయం పై మీ అభిప్రాయాలను కామెంట్స్ లో తెలియజేయండి. మరిన్ని తాజా వార్తల కోసం మా వెబ్‌సైట్ మరియు సోషల్ మీడియా ప్లాట్‌ఫారమ్‌లను ఫాలో అవ్వండి.
ఇవి కూడా చదవండి
త్వరలో రానున్న నీటితో నడిచే రైలు
అల్లుడి కంపెనీ కోసం రైతుల‌పై రేవంత్ రెడ్డి దౌర్జ‌న్యాలు అంటున్న KTR
3 thoughts on “తెలంగాణ ప్రజలకు జనవరి నుండి సన్న బియ్యం పంపిణీ | Telangana Govt Announces Fine Rice Distribution from January”