రోడ్లను అవుట్సోర్స్ చేసి టోల్ వసూలు చేయనున్న చంద్రబాబు | Chandrababu Shocking New Plan for AP Roads

రాష్ట్ర రోడ్ల అభివృద్ధికి అవుట్ సోర్సింగ్ విధానం తీసుకురావాలని ఆంధ్రప్రదేశ్ ముఖ్యమంత్రి చంద్రబాబు నాయుడు అసెంబ్లీ వేదికగా ప్రకటించారు.

జాతీయ రహదారుల తరహా మోడల్

చంద్రబాబు మాట్లాడుతూ, జాతీయ రహదారుల తరహాలోనే రోడ్ల నిర్మాణ బాధ్యతలను ప్రైవేట్ ఏజెన్సీలకు అప్పగిస్తామని చెప్పారు. ఈ ఏజెన్సీలు టోల్ చార్జీల ద్వారా తమ పెట్టుబడులను తిరిగి పొందుతాయని పేర్కొన్నారు.

అయితే, గ్రామాల నుంచి మండల కేంద్రాలకు వెళ్లే రోడ్లపై టోల్ వసూలు చేయబోమని స్పష్టం చేశారు. ప్రధానంగా కార్లు, లారీలు, బస్సుల నుంచి మాత్రమే టోల్ వసూలు చేస్తామనీ, ద్విచక్ర వాహనాలు, ఆటోలు, ట్రాక్టర్లు టోల్ నుంచి మినహాయించబడతాయని వివరించారు.

ప్రజల ఆమోదం అవసరం

ఈ విధానం ప్రజల అభ్యంతరాలు లేకుండా ముందుకు సాగాలని చంద్రబాబు కోరారు. “మీరు ప్రజలను ఒప్పించగలిగితే ఈ ప్రాజెక్ట్ వెంటనే ప్రారంభిస్తాను. లేనిపక్షంలో గుంతల రోడ్లపైనే తిరగడం మానవం,” అని ఆయన వ్యాఖ్యానించారు.

గతంలో జాతీయ రహదారుల విషయంలో కూడా ఇలాంటి ప్రతిపాదనలకు వ్యతిరేకత వ్యక్తమైనా, ఇప్పుడు అవి విజయవంతమైన ఉదాహరణలుగా నిలిచాయని గుర్తుచేశారు.

ఎమ్మెల్యేల మద్దతు

అసెంబ్లీలో టీడీపీ, జనసేన, బీజేపీ కూటమి ఎమ్మెల్యేలు చంద్రబాబు ఆలోచనకు మద్దతు తెలిపారు. ప్రైవేటీకరణ ద్వారా అవసరమైన నిధులను సమకూర్చి, రోడ్ల గుణాత్మకతను మెరుగుపరచాలనే ఉద్దేశంతో ఈ ప్రతిపాదన తీసుకొచ్చినట్టు ముఖ్యమంత్రి వివరించారు.

“మీ అభిప్రాయాలను కామెంట్ల ద్వారా తెలియజేయండి. ఈ ఆలోచనపై మీ మద్దతు లేదా వ్యతిరేకతను పంచుకోండి,” అంటూ పిలుపునిచ్చారు.

ఇవి కూడా చదవండి

హామీలు నెరవేర్చాలని రోడ్డెక్కిన ఆశ వర్కర్లు

వర్రా రవీంద్ర రెడ్డి అరెస్ట్ కేసులో హైకోర్టు కీలక వ్యాఖ్యలు

వీడియో