జమిలి ఎన్నికల దిశగా కేంద్రం అడుగులు!
2027లో జమిలి ఎన్నికలు జరగనున్నాయా? దేశవ్యాప్తంగా ఒకేసారి ఎన్నికలు నిర్వహించడానికి కేంద్రం వ్యూహాలు సిద్ధం చేస్తోంది. జమిలి ఎన్నికల ప్రణాళికను అమలు చేయడానికి కేంద్రం ముందస్తు అడుగులు వేస్తుండటం ఆసక్తికరంగా మారింది.
జమిలిపై కోవింద్ కమిటీ సిఫార్సులు
మాజీ రాష్ట్రపతి రామ్‌నాథ్ కోవింద్ ఆధ్వర్యంలో ఏర్పాటైన కమిటీ, జమిలి ఎన్నికలపై కేంద్రానికి పూర్తిస్థాయి నివేదిక అందజేసింది. ఈ కమిటీ సూచనల ప్రకారం, జమిలి ఎన్నికలు జరగాలంటే రాజ్యాంగంలోని 5 కీలక ఆర్టికల్స్ (83, 85, 172, 174, 356) సవరణ అవసరం. ఈ సవరణలు చేసేందుకు పార్లమెంట్‌లో బిల్లు ప్రవేశపెట్టే దిశగా కేంద్రం దృష్టి సారించింది.
రాజ్యాంగ సవరణల అవసరం
జమిలి ఎన్నికల కోసం ఈ 5 ఆర్టికల్స్ సవరించడం తప్పనిసరి. బిల్లు పాస్ అవ్వాలంటే, లోక్‌సభ మరియు రాజ్యసభల్లో 67% శాతం సభ్యుల మద్దతు అవసరం. అదనంగా, 14 రాష్ట్రాల అసెంబ్లీల నుండి కూడా మద్దతు పొందాల్సి ఉంటుంది. ఇది సాధ్యమైతే, 2027లో ఉత్తర్‌ప్రదేశ్ అసెంబ్లీ ఎన్నికలతో పాటు దేశవ్యాప్తంగా ఒకేసారి ఎన్నికలు నిర్వహించే అవకాశం ఉంది.
శీతాకాల సమావేశాల్లో బిల్లు?
వచ్చే శీతాకాల సమావేశాల్లో పార్లమెంట్‌లో ఈ బిల్లు ప్రవేశపెట్టేందుకు కేంద్రం సిద్ధమవుతున్నట్లు తెలుస్తోంది. జమిలి ఎన్నికలు జరిగితే, ఎన్నికల అనంతరం 100 రోజుల లోపు మున్సిపల్ మరియు గ్రామ పంచాయతీ ఎన్నికలను కూడా నిర్వహించేందుకు ప్రణాళికలు సిద్ధమయ్యే అవకాశం ఉంది.
పరిపాలనా సౌలభ్యం కోసం జమిలి ఎన్నికలు
కేంద్ర మంత్రి ప్రహ్లాద్ జోషి వ్యాఖ్యానించినట్లుగా, జమిలి ఎన్నికలు పరిపాలనా సౌలభ్యం కోసం కేంద్రం ప్రయత్నిస్తున్న కీలక ముందడుగు. ఇది కేంద్ర ప్రభుత్వ విధానాలను సమన్వయం చేయడంలో సహాయపడుతుందని భావిస్తున్నారు.
ఈ సారి మన తెలుగు రాష్ట్రాలలో ఎవరు గెలుస్తారని మీరు అనుకుంటున్నారో కామెంట్ చెయ్యండి.
ఇవి కూడా చదవండి
చంద్రబాబుకు షాకిచ్చిన ఈడీ – ఏపీ స్కిల్ డెవలప్మెంట్ స్కాం
2 thoughts on “2027 లో జమిలి ఎన్నికలు | Jamili Elections 2027”