హైదరాబాద్: “మూసీ నది పునరుజ్జీవనంతో మారనుంది హైదరాబాద్ ముఖచిత్రం! పేదల కష్టాలను తీర్చడమే కాకుండా, ఒక చారిత్రక ప్రాజెక్ట్‌కి శ్రీకారం చుట్టేందుకు సిద్ధమవుతున్నాం,” అని ముఖ్యమంత్రి రేవంత్ రెడ్డి సంచలన ప్రకటన చేశారు. సచివాలయంలో జరిగిన మీడియా సమావేశంలో ఆయన మాట్లాడుతూ, నగరంలోని మూసీ పరివాహక ప్రాంతాల్లో పేదలపై తగిన శ్రద్ధ చూపించి, వారి కష్టాలను గుర్తించినట్లు తెలిపారు.
పేదల జీవన పరిస్థితులు
“మురికి మధ్య జీవించే పేదల పరిస్థితిని చూసి నా మనసు కలచిపోయింది. దుర్గంధంలో వారు ఎదుర్కొంటున్న కష్టాలను తీరుస్తాం. మూసీ పునరుజ్జీవనం ద్వారా వాళ్లకు కొత్త జీవితాన్ని ఇవ్వాలని మా ప్రభుత్వ లక్ష్యం,” అని సీఎం రేవంత్ రెడ్డి తెలిపారు.
పునరావాసం పై ఫోకస్
మూసీ పరివాహక ప్రాంతాల్లో నివసిస్తున్న పేదలకు పునరావాసం కల్పించి, వారికి ఉపాధి అవకాశాలు ఇవ్వాలనే ఉద్దేశంతో ఈ ప్రాజెక్ట్ ప్రారంభమవుతుందని సీఎం వివరించారు. “ఇది కేవలం సుందరీకరణ కాదు, నిజమైన పునరుజ్జీవనం,” అని ఆయన స్పష్టం చేశారు.
ప్రాజెక్టు నిధులపై చర్చ
మూసీ పునరుజ్జీవన ప్రాజెక్టు కోసం ప్రస్తుతానికి రూ.141 కోట్ల నిధులు కేటాయించగా, భవిష్యత్తులో మరిన్ని నిధుల అవసరం ఉంటుందని రేవంత్ రెడ్డి పేర్కొన్నారు. “18 నెలల్లో డీపీఆర్ సిద్ధం అవుతుంది,” అని అన్నారు.
ప్రతిపక్షాలకు ఆహ్వానం
ప్రాజెక్ట్ పై ఎవరైనా అభ్యంతరాలు ఉన్నా వాటిని సమర్థించేందుకు ప్రభుత్వం సిద్ధంగా ఉందని రేవంత్ రెడ్డి ప్రకటించారు. “ప్రతిపక్షాలు తమ అనుమానాలు, అభ్యంతరాలు పంపితే మేము రాతపూర్వక వివరణ ఇవ్వడానికి సిద్ధంగా ఉన్నాము,” అని ఆయన తెలిపారు.
ఇవి కూడా చదవండి
చంద్రబాబుకు NSG కమాండోల భద్రత కట్‌
రేవంత్ రెడ్డి పై ఫిరోజ్ ఖాన్ ఆగ్రహం
వీడియో
రాహుల్తో నవ్వుల్ pic.twitter.com/gIDzUjZgL1
— V6 News (@V6News) October 17, 2024
1 thought on “మూసీ డెవలప్మెంట్ తో హైదరాబాద్ అభివృద్ధి చెందుతుంది అంటున్న రేవంత్ రెడ్డి | Revanth Reddy Press Meet About Musi River Revival”